Путин: Нашата земја може да го замени украинското жито
Русија ќе го замени украинскиот извоз на жито во Африка, изјави претседателот Владимир Путин, откако Москва се повлече од договорот што овозможува безбеден транспорт на жито, пренесе АФП.
„Русија ќе продолжи да прави енергични напори за да обезбеди снабдување со жито, прехранбени производи, ѓубрива и други стоки во Африка“, рече Путин.
„Сакам да дадам гаранции дека нашата земја е во состојба да го замени украинското жито и на комерцијална и на бесплатна основа.
Москва ги блокираше пристаништата на Украина во Црното Море со воени бродови се додека договорот склучен со посредство на ОН и Турција и потпишан во јули 2022 година не го спречи преминувањето на критичните пратки со жито.
Претходно овој месец, Русија се повлече од договорот откако се пожали дека поврзаниот договор за дозволување на руски извоз на храна и ѓубрива не се почитува.
Москва подоцна објави дека ќе ги разгледа товарните бродови кои пловат за Украина преку Црното Море како потенцијални воени цели.
Африканската унија изрази „жалење“ поради одлуката на Кремљ да стави крај на договорот за извоз на жито.
Подоцна оваа недела Русија ќе биде домаќин на вториот руско-африкански самит и Руско-африканскиот економски и хуманитарен форум, соопшти Кремљ.
Хуманитарните групи велат дека Африка е силно зависна од Русија и Украина за жито.
Договорот за жито дозволи извоз на повеќе од 32 милиони тони украинско жито во текот на изминатата година.
