Првична прогноза на резултатите од изборите во Грција: Нова Демократија на прво, СИРИЗА на второ место

Вистински конгломерат од првичните прогнози за исходот на парламентарните избори во Грција по завршувањето на гласањето. Нова демократија на првата, СИРИЗА на втората, ПАСОК -Движење на промена на третата позиција е резултатот од објавените exit poll, односно процените за изборниот резултат од агенциите за рејтинг во Грција, во соработка со грчките телевизии, јави дописничката на МИА од Атина.

.Резултатите од 80 отсто преброени exit poll за приватните телевизии се дека секоја од партиите би добила:   Нова демократија од 36 до 40 отсто, СИРИЗА од 25 до 29 отсто, ПАСОК – Движење на промена од 9,50 до 12,50 отсто, Комунистичка партија на Грција од 6 до 8 отсто, Грчко решение од 3,50 до 5,50 отсто, МЕРА25 2,50 до 4,50 отсто

Според истото мерење, проценката е дека Нова демократија не добива доволен број пратеници за еднопартиска влада. Сепак, станува збор за проценки на агенциите за рејтинг, а не за официјални резултати.

Приватните телевизии Мега, Скај, Стар, Антена, Алфа и Open, Action24 и државната ЕРТ, веднаш по затворањето на гласачките места, точно во 19 часот по локално време, објавија заеднички exit polls во соработка со агенциите „Pulse“, „MRB“, „MARC“„Metron analysis“„ GPO“ и „ALCO“