ПРВА ЖРТВА ОД НЕВРЕМЕТО ВО ГРЦИЈА: Загина сточар, едно лице исчезна
Едно лице загина, а едно се води за исчезнато по тешките временски услови „Даниел“ ја погоди Грција, пишува српски Телеграф.
Според првичните информации, 70-годишен сточар загинал во областа Агиос Георгиос во Ано Волос кога бил смачкан од ѕид до неговата куќа кој се урнал поради големо количество вода.
Според информации, сточарот се обидувал да им пријде на своите животни.
Уште едно лице е исчезнато во реонот на Волос кога неговиот автомобил бил однесен од порој, јавува Прототема.
Најтешка е состојбата во Волос каде се поплавени улици, куќи и возила, а уништени се и бројни дрвја.
Метеоролозите најавуваат дека лошото време ќе се задржи и во следните неколку часа.
Малку по 9:30 беше испратена порака до оние во Пиерија, Тесалија, Споради, Евија и Фтиотида драстично да ги ограничат своите движења бидејќи лошото време Даниел беше во полн ек.
Градоначалникот на Волос го повтори апелот луѓето да останат дома, бидејќи на Фејсбук објави снимки од хаосот по невремето.
На социјалните мрежи беа објавени и видеа од празни и уништени плажи во Грција, по невремето кое однесе лежалки и чадори.
Βόλος κέντρο τώρα , σε αυτό το σημείο πολύ δύσκολα. pic.twitter.com/tfLQThjBCC
— Voula_L (@paraskevi_l) September 5, 2023
