Промоција на книгата „Низ детските очи“ од Маја Богоевска на Светскиот ден на книгата
По повод Светскиот ден на книгата, на 23 април (четврток), со почеток во 18 часот, во просториите на Кино Манаки во Битола ќе се одржи промоција на книгата за деца „Низ детските очи“ од авторката Маја Богоевска. Ова е нејзино прво дело наменето за најмладите читатели.
Збирката содржи 26 раскази прилагодени за деца на возраст од 5 до 8 години. Преку топол наратив и внимателно избрани теми, авторката го доловува детското секојдневие и нивната искрена љубопитност. Книгата опфаќа различни мотиви, меѓу кои:
За делото ќе говорат промоторите:
Настанот ќе биде збогатен со настапи на ученици од Гимназијата „Јосип Броз Тито“ – Битола, како и со музичка изведба на 11-годишниот саксофонист Филип Нешковски.
Рецензентот м-р Ана Кондоклоцис истакнува дека авторката мајсторски го спојува детскиот свет со природата, поттикнувајќи ги најскапоцените човечки вредности. „Низ детските очи“ веќе се закити со престижно признание, освојувајќи ја наградата „Пелистерски ракувања“ на конкурсот на издавачката куќа „Дата Песнопој“.
Маја Богоевска е дипломиран новинар со над дваесетгодишно професионално искуство. Својот креативен пат во детската литература го започнува во 2016 година како сценарист на детски емисии, а од 2017 година активно пишува раскази, станувајќи препознатливо име на настаните посветени на творештвото за деца.
