ЛДП предлага сите именувани функционери да имаат само едно државјанство, а не само пратениците
Либерално-демократската партија (ЛДП) предлага законската обврска за поседување само едно државјанство, која моментно се предлага за пратениците, да се прошири и да ги опфати сите избрани и именувани функционери во државата.
Членот на Извршниот одбор на ЛДП, Александар Цветкоски, истакна дека критериумите мора да бидат строги и да важат за сите без исклучок. Според него, недозволиво е да постојат двојни стандарди при извршување на високи државни функции.
Според предлогот на ЛДП, забраната за двојно државјанство треба да опфати:
Цветкоски нагласи дека нема потреба од „евтин маркетинг“ и дека законот треба да се применува веднаш, како за сегашните, така и за идните функционери. Тој ги повика предлагачите на измените да побараат увид во досиејата на сите актуелни носители на функции, а оние со двојно државјанство веднаш да поднесат оставки.
ЛДП најави дека ќе поднесе сопствено законско решение со кое сите именувани лица ќе мора, под морална и кривична одговорност, да потврдат дека поседуваат исклучиво македонско државјанство.
Оваа иницијатива доаѓа откако пратеници од ВМРО-ДПМНЕ веќе поднесоа предлог-измени на Законот за пратеници. Тој предлог, доставен по скратена постапка, предвидува дека кандидат за пратеник може да биде само лице кое има единствено македонско државјанство, со цел да се прецизираат критериумите за работа во Законодавниот дом.
