ПРОМЕНЛИВО СО СЛАБ ДОЖД И СНЕГ Од понеделник времето ќе се стабилизира
Времето в недела, 18 декември, ќе биде променливо облачно со слаби локални врнежи од дожд и снег, а на повисоките места и на планините од слаб снег. Ќе дува слаб до умерен ветер претежно од североисточен правец. Температурите ќе бидат во интервал од -6 до 7 степени.
Во Скопје се очекува променливо облачно со слаб ветер од североисточен правец. Температурите ќе бидат во интервал од -3 до 5 степени.
Во понеделник и во вторник преку денот времето ќе биде стабилно и суво. Во вторник кон крајот на денот, во текот на ноќта и во среда се очекуваат нови врнежи претежно од снег.
.
