ПОЗНАТ Е ПО ПРЕКАРИТЕ „ГЕРМАНЕЦ“ И „РУС“: Косовската полиција уапси уште еден Србин
Ново апсење има на северот на Косово поради напад на КФОР.
Косовската полиција уапси лице со иницијали Н.О., во Северна Митровица под сомнение дека учествувал во нападот на КФОР. Уапсениот е познат по прекарите „Германец“ и „Рус“.
„Неговото апсење и приведување во полициска станица е извршено по прибраните докази дека учествувал во нападот на КФОР на 29 мај 2023 година. Сите понатамошни дејствија ќе бидат преземени во соработка и координација со правосудните органи“, стои во соопштението.
Канцеларијата за Косово го осуди апсењето. Велат дека косовскиот премиер Албин Курти го „саботира“ дијалогот за нормализација на односите. Во соопштението се наведува дека „ова апсење не е случајно темпирана утрото по дијалогот во Брисел“, и дека јасно покажува дека Курти „не сака смирување на тензиите, туку нова криза“. Конфликтот меѓу КФОР и локалните Срби се случи на 29 мај во општина Звечан, една од четирите општини со српско мнозинство на северот на Косово. Со денови, косовските власти апсат Срби. Претходно уапсија Србин од Грачаница под сомнение за извршени воени злосторства. Србите се собраа во Грачаница и протестираа со барање да запре теророт.
Oд доаѓањето на албанските градоначалници во општините на северот на Косово досега се уапсени осум Срби. Инаку, Србите ги бојкотираа локалните избори, поради што новите градски татковци се од албанска националност. Србите бараат нови избори, затоа што овие градоначалници за нив не се легитимни и формирање на Заедница на српските општини.
