ПОТЕШКО Е ДА СЕ НАЈДЕ ГОТВАЧ И КЕЛНЕР ОТКОЛКУ ДИРЕКТОР ИЛИ МЕНАЏЕР: Недостигаат 30.000 работници во БиХ
Неофицијалните податоци покажуваат дека на Босна и
Херцеговина и недостигаат 30.000 работници, а во екот на туристичката сезона
овој проблем станува уште поизразен.
Дури и реномираните сараевски ресторани имаат проблем да
најдат келнери и готвачи, а во хотелите недостигаат собарки, чистачки и работници на рецепција.
За тоа има повеќе причини, од една страна граѓаните на Босна
и Херцеговина заминуваат во странство на сезонска работа, додека од друга
страна законите во Босна и Херцеговина не го олеснуваат увозот на работна сила,
а поради повеќемесечната
процедура, работодавачите не можат да ги најдат толку потребните работници.
Аида Терзиќ, директорка на хотелот Pino Nature во Требевиќ и косопственик на туристичката
агенција Релакс Турс, во интервју за Klix.ba вели дека работодавците долги
години се соочуваат со проблемот да најдат работници.
При наоѓањето работници, таа посочува дека има голем
број луѓе кои се пријавени во Заводот
за вработување, а всушност не сакаат да работат и не бараат работа.
Наида Дувњак-Шеховиќ, директорка за човечки ресурси на Апта
Корпорејшн, зборува за предизвиците со кои се соочуваат вработените. Прашањето за недостигот на работна
сила е стратешко прашање со кое во последните години се занимаваат
работодавачите во сите стопански гранки.
– Ги приспособуваме трендовите во наоѓање вработени слушајќи
ги потребите на кандидатите и нудејќи хонорарен или студентски ангажман. Во
моментов успеваме да најдеме кандидати кои гледаат можност за нивно ангажирање
во нашето деловно опкружување – вели Дувњак-Шеховиќ.
ФОТО: Unsplash/Loiis Hansel
