ПО „МАКПЕТРОЛ“, И ОИЛКО ОБЈАВИ ДЕКА ЌЕ ДЕЛИ ДИВИДЕНДА – од утре почнува исплата на 2,3 милиони евра
По „Макпетрол“, и компанијата ќерка на нафтениот дистрибутер, најавува дека од утре ќе почне да исплаќа дивиденда за своите акционери.
Ќе се поделат 2,3 милиони евра во форма на дивиденда, или 600 денари бруто по акција.
„ОИЛКО КДА Скопје, со седиште на ул.10 бр.152 Миладиновци, согласно
Одлуката за исплата на дивиденда по Годишната сметка на Друштвото за 2022
година бр. 0201-27/2-3, донесена на 17-тата седница на Собранието на
Акционери на Оилко КДА Скопје, одржана на 27.05.2023 година, објавува дека
на ден 30.08.2023 година, започнува со исплата на дивиденда во бруто износ
од 141.543.000 денари, односно 600 денари бруто по акција“, се вели во објавата од ОИЛКО испратена до берзата.
Според состојбата објавена на Централниот депозитар за хартии о вредност, „Макпетрол“ е најголем и доминантен акционер во ОИЛКО, со „35,61 отсто од акциите.
