Петковски: Работното место е коренот на многу фатални болести – новиот закон ќе ги олесни пријавите за вознемирување

Стресот и психосоцијалниот притисок на работа не се само прашање на продуктивност, туку прашање на живот и смрт. Милан Петковски од МЗЗПР во емисијата „Ноќно студио“ на 4ТВ обелодени детали за новото законско решение за заштита од вознемирување и насилство на работното место, кое има за цел да стави крај на комплицираните процедури за пријавување.

Досегашниот систем за пријавување вознемирување Петковски го опишува како „квалификациска олимпијада“, каде од работникот се барало континуирано да документира малтретирање цели шест месеци за да може воопшто да покрене постапка.

Петковски изнесе загрижувачка анализа на податоците од Државниот завод за статистика за 2023 година, според кои во земјата починале околу 20.000 луѓе.

Истражувањето спроведено со Синдикатот на здравствени работници покажало дека дури 60% од вработените во здравството во текот на една година доживеале вознемирување или закани.

Петковски заклучува дека е време да сфатиме дека нашето друштвено живеење и работните односи директно се рефлектираат врз здравствениот билтен на нацијата. „Се е поврзано во еден голем круг“, вели тој, порачувајќи дека здравата работна средина е основен предуслов за долговечност.