![Пендаровски ги кани сите седум кандидати за претседатели на мастер дебати – доколку еден не прифати, идејата нема да се реализира!](https://novina.mk/wp-content/uploads/2024/03/1711028470_stevo-pendarovski-4news-5-850x560.webp)
Пендаровски ги кани сите седум кандидати за претседатели на мастер дебати – доколку еден не прифати, идејата нема да се реализира!
Кандидатот за претседател Стево Пендаровски ги покани неговите противкандидати на две мастер дебати.
Тие би се одржале на почеток и на крајот од изборната кампања, која почнува на 4 април.
Идејата за двете мастер дебати, како што брифираат од неговиот штаб е искомуницирана со останатите претседателски кандидати, кои засега не ја отфрлиле, но имаат рок до среда да го дадат својот конечен одговор. Мастер дебатите се за сите седуммина кандидати, така што во случај некој да прифати, а некој не, идејата нема да се реализира.
Мастер дебатите би се организирале на неутрален терен во времетраење од 180 минути, а секој од кандидатите ќе учествува во организацијата, ќе ја води модератор, за кој сите ќе постигнат согласност, додека пак и трошоците ќе ги делат сите.
Секој од кандидатите ќе има можност да донесе своја публика, а ќе бидат поканети и претставници на медиумите, при што ќе постои можност да се поставуваат прашања.
Пендаровски во текот на кампањата, како што велат од неговиот Изборен штаб, ќе организира ифтарска и велигденска вечера, на која ќе ги поканите сите учесници во трката за претседателските избори.