Пекинг: Хамас и Фатах изразија желба за помирување
Ривалските палестински групи Хамас и Фатах ја изразија својата волја за помирување преку дијалог на разговорите за единство во Пекинг, соопшти во вторникот кинеското Министерство за надворешни работи.
Двете фракции не успеаја да ги усогласат политичките разлики откако борците на Хамас го протераа Фатах од Појасот Газа во кратката војна во 2007 година, а нивните разговори се одржаа на позадината на израелската војна против Хамас во Газа, пренесува Ројтерс.
„Пред неколку дена во Пекинг пристигнаа претставници на Палестинското национално ослободително движење и на Исламската група за отпор на сеопфатен и искрен дијалог“, изјави портпаролот на кинеското Министерство за надворешни работи Лин Џијан на редовниот брифинг. „Тие се согласија да го продолжат процесот на преговори со цел што поскоро да се постигне реализација на палестинската солидарност и единство.
Лин рече дека двете страни му се заблагодаруваат на Пекинг за неговите напори за „промовирање на внатрешното единство на Палестинците и постигнување договор за понатамошен дијалог“.
Израел чека Хамас да одговори на предлозите за прекин на борбите во Газа и враќање на израелските заложници пред да испрати тим во Каиро на понатамошни разговори, изјави во вторникот за Ројтерс близок до премиерот Бенјамин Нетанјаху.
САД ги поздравуваат сите кинески напори кои водат кон стабилност и безбедност во регионот или обезбедуваат договор за ослободување на заложниците, изјави портпаролот на Белата куќа за национална безбедност Џон Кирби.
