Патувал на крузер со 2.000 нудисти, и сега откри правило кое секој мора да го почитува
Еден 67-годишен маж ги сподели своите искуства од своето прво нудистичко крстарење, кое го направил со сопругата, во друштво на дури 2.000 истомисленици. На онлајн платформата Reddit, тој ги покани корисниците слободно да му поставуваат прашања за овој, за многумина, необичен вид одмор, и во тој процес откри голем број интересни детали.
Патувањето го организираше американската агенција Bare Necessities, која организира крстарења под мотото „без облека – без проблеми“ од 1990 година. Седумдневната рута тргна од Тампа, Флорида, со застанувања во Мексико и Хондурас, објасни тој во својата објава.
Едно правило што сите го знаат – без фотографирање
Најважното правило, нагласи тој, беше апсолутна забрана за фотографирање без изрична дозвола.
„Никој не носи мобилен телефон надвор од кабината. Постојат многу знаци што јасно го наведуваат ова. Луѓето ги знаат правилата – без фотографирање, освен ако некој јасно не каже дека можете“, објасни тој. „Ова е искусен тим нудисти, се чувствував многу поудобно тука отколку на нудистичките плажи“, додаде тој.
Тој исто така рече дека на бродот имало тим вработени кои воделе посебна грижа за „нудистичката култура“ и почитувањето на правилата.
Капетанот одлучува кога можете да се соблечете
Тој објасни дека нудизмот на бродот има свои правила. Облеката се облекува додека бродот е во пристаништето, а само околу 30 минути по пловењето капетанот објавува кога можете да почнете да се соблекувате. Истото важи и при влегување во ново пристаниште – штом ќе се приближат до копното, патниците повторно се облекуват.
Вработените на бродот беа облечени, освен еден машко-женски пар кој настапи во театарската програма.
„Колку што знам, од вработените на бродот не се бара да работат на нудистички крстарења ако не се чувствуваат удобно со тоа“, објасни тој.
