Нема одлука од ЕХФ за неодиграниот меч Алкалоид – АЕК, кај АЕК владее хаос

Десет дена по неодиграниот меч во финалето на Европскиот куп меѓу Алкалоид и АЕК, Европската ракометна федерација (ЕХФ) сè уште не донесе одлука. Во меѓувреме, кај АЕК ситуацијата е хаотична, што го потврдува и нивниот настап во домашното првенство каде загубија од Олимпијакос на свој терен.

Првиот натпревар од финалната серија заврши со резултат 27-32 во корист на Олимпијакос, а постои голема можност АЕК да ја загуби и титулата во грчкиот шампионат.

Навивачите на АЕК бараат оставка од тренерот и санкции за играчите. Следниот меч од финалето меѓу Олимпијакос и АЕК е закажан за 6 јуни во Пиреја.