Палчо наместо медицинска документација, кон Белград тргнал со цела опрема за подкасти!
Денеска во Кривичниот суд, првообвинетиот за убиствата на Вања Ѓорчевска и Панче Жежовски, Љупчо Палевски, одговараше на прашања од обвинителите. Обвинителката Жаклина Јосифовска го праша за неговото патување во Белград, четири дена по убиството на Вања, кога тој тврдеше дека оди по второ мислење за болка во половината, но не понел медицинска документација, туку цела опрема за подкаст.
Палевски одговори дека имал цедиња, но ги украло Обвинителството.
При прашањето зошто не се вратил од Турција откако излегол по медиумите, Палевски рече дека не знаел каде се наоѓа полицијата и судот. Спомена дека по неговото апсење во Турција, фотографија од него била испратена на министерот за внатрешни работи, Оливер Спасовски, и потоа објавена во медиумите.
Обвинителката го обвини за измислување на сведочењето за лице што го сретнал во Скопје, а Палевски тврди дека тоа лице постоело и било претепано. Тој додаде дека не може да се сети на неговото име и презиме, обвинувајќи ги медиумите дека поради нив не сакаат да сведочат.
