ПАДНАТИ ДРВЈА, ПОПЛАВЕНИ ДОМОВИ, ПРЕКИНИ ВО СНАБДУВАЊЕТО СО ЕЛЕКТРИЧНА ЕНЕРГИЈА: Поплави ја погодија Грција
Поплави има и во соседна Грција. Обилните дождови предизвикаа поплави во Солун и на Халкидики.
Во регионот Муданија нема струја. Противпожарната служба примила повеќе од 300 итни повици низ северна Грција, за испумпување на вода, отстранување на дрвја и за транспорт на луѓе на безбедно. Поплавени се и неколку патишта во регионот, поради што е блокиран сообраќајот.
Градоначалникот на Касторија, Јанис Коренџидис, бара прогласување вонредна состојба во неговиот град.
Национална метеоролошка служба предупреди дека денеска се очекува дождот и невреме со грмежи и можна појава на град во повеќето области на Грција, како и на островите.
Во регионот поплави има во Србија. Во близина на Чачак се урна мост.
Поради обилните дождови, оштетен е мост во селото Боровци во Бугарија.
И во Македонија во повеќе општини има излевање на реки.
