АВТОБУС УДРИ ВО КАРПА КАЈ ТРЕБИЊЕ: Двајца патници загинаа, има 13 повредени
Страотна автобуска несреќа го потресе регионот. Двајца загинати и 13 повредени има во автобуската несреќа која утрово во 6.30 часот се случи кај Требиње. Автобус удри во рид во Дражин Дол.
„Во тешка сообраќајна несреќа во Дражин Дол загинаа возачот на автобусот и еден патник“, потврдија во Окружното јавно обвинителство Требиње.
Возачот е роден во 1956 година, што значи дека е пензионер, а жената која починала е родена во 1952 година и таа е пензионер.
Автобусот превезувал работници на екскурзија од Бања Лука. Сите повредени се примени во болницата Требиње. Истрагата треба да покаже како се случила несреќата.
