Ова е човекот кој спречи автобуси да поминат по урнатиот мост на Морава

Човекот кој го снимил уривањето на мостот кај Чачак е Немања Богосављевиќ. Тој видел кога се скршиле столбовите и спречил поголема несреќа запирајќи автобус кој сакал да помине преку мостот.

Во моментот на уривањето, на мостот немало никој. Одлуката за прекин на сообраќајот на овој мост е донесена на 7 ноември 2022 година. Мештаните сепак го користеа тој мост затоа што е најкратката врска меѓу селата, а алтернативната траса е долга 40 километри.

Богосављевиќ утрово околу 6:20 излегол да види што се случува со нивото на Морава, дали ги поплавила нивите, а потоа отишол да види во каква состојба е мостот. 

„Синоќа во 22 часот мостот се држеше перфектно, немаше поголеми проблеми, освен дрвото што го држеше столбот, утрово кога дојдов, во 6 часот и 20 минути видов дека се скршил столбот. Морав да се вратам во куќата, во истиот момент повикав полиција, реков дека мостот ќе се урне затоа што се скршиле столбовите“, изјави Немања.

По 7-8 минути се вратил на Морава и наишол на неколку автобуси, возила со турски работници кои работеле на Моравскиот коридор, кои сакале да го поминат мостот. Тој вели дека се обидувал да ги претекне и да ги спречи да го преминат мостот.

„Успеав некаде да го блокирам преминот на автобусот на мостот. Во тој момент, по околу половина минута дојде полиција и успеавме да спречиме голема катастрофа“, рекол Немања. 

Полицијата запрела македонскои автобус полн со патници кој сакал да помине по урнатиот мост. 

Поради поплавите низ Србија прогласена е вонредна состојба на територијата на 52 града и општини.