Ова е човекот кој го возел Палчо од Белград во Турција: Објави фотогарфија на Фејсбук со која го откри планот на убиецот
Струмичанецот Стефан Димковски, татко на две деца, е возачот кој од Белград до граничниот премин со Турција го превезе Љупчо Палевски Палчо, осомничениот за убиството на 14-годишната Вања. Потоа на своите социјални мрежи објави фотографија од автомобил на пат во Турција.
Димковски вчера попладне беше уапсен од македонската полиција на граничниот премин Дојран. Тој самиот објави слики од рутата на своите профили на социјалните мрежи истиот ден кога се вози со Палевски, кој е главниот осомничен за убиството на Вања и Панче.
Откако бил уапсен на граничниот премин, тој детално раскажал за плановите на Палевски и за локациите на кои требало да биде во Турција.
Познато е дека Димковски е татко на две деца, а на социјалните мрежи има фотографии од симболот на партијата „Десна“ на чело со Палевски. Тоа е проруска десничарска партија со контроверзни ставови.
Палевски на 30 ноември со возило „Шкода Супер Б“ управувано од неговиот адвокат бил пренесен во Србија. Таму ноќта ја поминал во хотел, од каде Димковски следниот ден со џип ленд ровер го презел и го донел во Бугарија, а потоа преку граничниот премин Градина во Турција.
„Македонското Министерство е во контакт со полицијата во Турција, како и со нивните оперативци. Ни потврдија дека Палевски е пронајден во Баликесир и дека сакал да оди во Истанбул. Чекаше такси да го однесе, но беше уапсен од полицијата додека се движеше по еден од автопатите кај Баликесир“, изјави министерот Оливер Спасовски.
