Оставка на премиерот на Црна Гора доколку за една година платите не бидат како што ветија
Црногорскиот премиер Милојко Спајиќ денеска изјави дека ќе поднесе оставка доколку за една година просечната плата не биде 1.000 евра, а минималната 700, колку што беше неговото предизборно ветување.
Минималната плата во Црна Гора сега е 450 евра, а просечната е околу 800 евра.
Програмата на Спајиќ предвидува и четиридневна работна недела, како и зголемување на минималната пензија на 450 евра, која веќе ја добиваат 70.000 пензионери.
На прес-конференцијата по повод 100-те дена работа на Владата, Спајиќ рече дека нема да се укине Фондот за пензиско и инвалидско осигурување (ПИО), како што се шпекулира, а нема да се укине ниту Фондот за здравство.
