Османи: Фактот што ОБСЕ беше спасено во Скопје претставува огромен успех за нашата дипломатијата
Успешното претседавање со ОБСЕ, текот и предизвиците со кои се соочи претседавачот и дипломатијата на земјава, беа тема на разговор во утринското интервју за Слободен Печат на Министерот за надворешни работи Бујар Османи.
„Можеше ОБСЕ да пропадне во текот на нашето претседавање. Замислете кое е тоа историско наследство ќе оставивме ние. Бидејќи сите предуслови, до една недела пред Советот во Скопје, сите беа убедени дека во Скопје ќе се исклучат светлата на ОБСЕ. Сето тоа беше дел од едно успешно менаџирање на 57 земји учеснички, во кој што за четворица земји кандидати и една земја претседавач се усогласија и Русија, и Украина, и САД, и НАТО земји и ЕУ земји. Тоа не можеше да се замисли до пред неколку недели пред самиот Совет,“ рече министерот Османи.
Османи нагласи дека Советот на ОБСЕ во Скопје е големо признание за нашата дипломатија, но и за граѓаните, доказ дека всушност имаме капацитет
„Нас ни недостасува можност- експозиција, како можност за да се покажеме. Значи, системот во МНР, во кој јас имав одредени сомнежи, во квалитетот, во можноста, желбата… се покажа беспрекорен. Се покажа дека нас не ни недостасува капацитет, туку можност да се покажеме“, заклучи министерот.
