Одличниот Партизан го освои Каунас и дојде на позиција за четвртфинале во Евролигата
Брилјантното прво полувреме на Кевин Пантер и Јанис Папапетру, на Партизан му донесоа огромни плус 17, што им ја олесни задачата во вториот дел, иако големиот пад во третиот период го врати Жалгирис на достижни минус седум, ама на сцена стапи во последната четвртина Дејмс Нанели со десете поени во овој период за двоцифрен триумф на белграѓани.
Партизан има скор од 12-11 по 23 кола и моментно е на седмото место, скор кој го има и осмиот Макаби Тел Авив, како и деветтата Валенсија и десетиот Жалгирис во трката за пласман меѓу првите осум за четвртфиналето. За Жалгирис ова беше трет пораз во низа.
Папапетру со 17 поени беше најефикасен кај црно-белите, Матијас Лесор и Пантер дадоа по 14, додека Браздеикис кај Жалгирис беше најефикасен со 17 поени.
Фенербахче со 101-86 ја победи Алба Берлин, а Реал Мадрид во тесен меч славеше со 95-91 против Монако за да остане „кралскиот клуб“ во чекор со скорот досега со Олимпијакос, па двата тима на врвот имаат идентични 15-7
