„Оди“ заспа засекогаш: Неповратно изгубен првиот приватен слетувач на Месечината
Американскиот лендер на Месечината, првото приватно вселенско летало на Месечината, дефинитивно престана да работи, објави компанијата „Intuitive Machines“ која го лансираше во вселената.
Лендерот, наречен „Одисеј“ или со љубов „Оди“, не испрати контролен сигнал дома, и покрај тоа што неговите соларни панели добиваат доволно светлина оваа недела.
Оди ја допре површината на Месечината на 22 февруари и успеа да изврши неколку тестови и да испрати серија фотографии на Земјата, пред нејзината мисија да биде паузирана неколку недели од лунарната ноќ.
Инженерите на Intuitive Machines се надеваа дека ќе се „разбуди“ кога повторно ќе дојде до него доволно сончева светлина, исто како што беше со јапонскиот SLIM лендер, кој слета наопаку во јануари.
Сепак, по неколкудневно чекање, операторите потврдија дека „Оди“ повеќе нема да „се јавува дома“, објави порталот „Фис“.
„Ова е потврда дека Оди е трајно деактивиран, откако влезе во историјата како прв комерцијален лунарен лендер што слета на површината на Месечината“, соопшти компанијата.
Инаку, „Одисеја“ е првото американско вселенско летало што ја допрело лунарната почва по мисијата Аполо 17 во 1972 година.
НАСА планира да ги врати астронаутите на Месечината оваа деценија и ги поттикна Intuitive Machines со околу 120 милиони долари во мисијата, бидејќи планира да ги поддржи приватните компании во организирањето комерцијални летови до единствениот природен сателит на Земјата.
