Од 1 април зголемена минимална плата во Грција

Грчкиот премиер Киријакос Мицотакис по денешната седница на Министерскиот совет објави дека новата бруто минимална плата од 1 април ќе изнесува 830 евра.

Според грчкиот премиер,тоа е „разумна одлука која ги поддржува приходите, но не влијае на трошоците за производство“.

Нето-платата ќе се зголеми од 667 на околу 710 евра, но за Грците, според претходните дебати, ова е недоволно, поради тоа што растот на трошоците за живот во таа земја во изминатиот период беше двојно поголем од европскиот просек.

Во 2019 во Грција минималната бруто-плата беше 650 евра. Грците со „минималец“ се меѓу последните по куповна моќ меѓу оние со минимална плата од другите земји на ЕУ.