![Какаото најскапо во историјата, достигна 10.000 долари! Сега е сигурно, цените на чоколадото „скокаат“](https://novina.mk/wp-content/uploads/2024/03/1711730137_kakao-850x560.webp)
Какаото најскапо во историјата, достигна 10.000 долари! Сега е сигурно, цените на чоколадото „скокаат“
Неделава какаото на стоковните берзи во Лондон и Њујорк достигна цена од 10.000 долари за тон, што е највисока во историјата, а рекордното поскапување може да влијае и на цените на чоколадото.
Во Западна Африка, клучна област за производство на какао, забележана е трета последователна лоша жетва, пишува Гардијан.
Гана и Брегот на Слоновата Коска, земји кои заедно произведуваат повеќе од половина од глобалниот род на какао, се погодени од екстремни временски услови кои дополнително се влошија од климатската криза и феноменот Ел Нињо.
Ситуацијата дополнително се влошува поради болестите на земјоделските култури кај западноафриканските лозари и недоволното инвестирање во старите насади.
Производителите на чоколади имаат проблеми со снабдувањето, а многумина предупредуваат дека ќе мора да ги зголемат цените на своите производи или да ја намалат амбалажата.
Портпаролот на компанијата Нестле најави дека можеби ќе ги зголемат цените на нивните производи бидејќи какаото денес е три пати поскапо отколку пред една година.
Какаото, заедно со кафето, чајот и бананите, е еден од основните производи за домаќинството што е загрозен од глобалното затоплување.
Истражувачите се обидуваат да најдат диви сорти кои се поотпорни на топлина и суша и способни да издржат поекстремни услови.