ОЈО СО ПРВИ ДЕТАЛИ ЗА ТРАГЕДИЈАТА ВО КАРПОШ Наредена обдукција по смртта на мајката и детето
Дежурен јавен обвинител од Основно јавно обвинителство Скопје извршил увид во скопската населба Карпош, каде по пад од висококатница починале жена и малолетно дете.
Од Обвинителството информираат дека обвинителот наредил обдукција на телата на починатите, како и прибирање траги и други материјални докази со цел целосно расветлување на настанот.
Во тек се разговори со повеќе лица кои би можеле да имаат сознанија за причините и околностите под кои се случила трагедијата.
Од надлежното обвинителство засега не соопштуваат дополнителни детали, а истрагата продолжува.
.
