НОВ ЕКОНОМСКИ РЕКОРД И ПОКРАЈ САНКЦИИТЕ: Од почетокот на годината Русија извезла храна за 39 милијарди евра, 14 отсто повеќе од лани

Од почетокот на годината Русија извезла храна во вредност од 39 милијарди евра, што е за 14 отсто повеќе во однос на истиот период минатата година, изјави рускиот министер за земјоделство Дмитриј Патрушев.

„Оваа година рускиот земјоделски извоз активно расте и покрај тоа што многу западни земји се обидуваат да стават „клипови во тркалата“ на нашата надворешно-трговска размена“, рече Патрушев, пренесува Тас.

Уделот на житариците во вкупниот руски извоз на храна е традиционално најголем и изнесува 38 проценти.

Патрушев очекува до крајот на тековната година вкупната вредност на рускиот извоз на храна да се искачи на 40,8 милијарди евра, пренесува Танјуг.