НИНА АНГЕЛОВСКА Е ЗАЕДНИЧКИ ИМЕНИТЕЛ: ГРУПЕР ЌЕ МИГРИРА КОН АНАНАС – еве кои се информациите до корисниците
Платформата Групер, која своевремено беше сопственост на екс министерката за финансии Нина Ангеловска, ќе се интегрира кон српската компанија за е-трговија Ананас, каде што отиде да работи Ангеловска на раководна позиција.
Всушност, тоа тие го испратија како важна информација до своите кориснцици, давајќи им го и рокот до кој ќе функционира старата платформа.
„Како што веруваме сте слушнале, Grouper од неодамна стана дел од Ananas екосистемот. Ananas има за цел да направи револуција во е-трговијата, а Grouper како основоположник на е-трговијата во Македонија ја дели визијата започнувајќи од 2011 година кога беа лансирани првите Grouper зделки.
Наскоро Grouper ќе мигира кон Ananas платформата, a бенефитите кои ги нуди во форма на попусти ќе бидат достапни бесплатно за сите членови на A+ клубот на Ananas. Вие како наш регистриран Grouper корисник имате привилигиран статус, односно штом креирате профил на Ananas ќе станете автоматски член на А+ клубот. За да добиете статус на А+ член потребно е да го креирате вашиот профил на Ананас до 30.01.2024 и автоматски ќе добиете статус на А+ член. Вашиот статус ќе може да го проверите во “Moj Профил” > во табот ананас+ клуб. Како А+ член ќе може да ги уживате сите погодноси кои ги носи А+ клубот и тоа моменталните бенефити се: бесплатна достава на нарачки над 350 денари и Grouper попустите стануваат дел од А+ програмата, таму ќе може да најдете разновидни понуди на попуст овозможени од Grouper партнерите.
До Вашиот профил на Grouper ќе може да пристапите до 31.12.2023 година. Доколку имате купони кои сакате да ги преземете може да го направите тоа до 31.12.2023 година. По наведениот датум вашиот Grouper профил ќе биде недостапен“, се вели во известувањето од Тимот на Групер и Ананас.
