Неверојатно: Швајцарија има 0% инфлација
Годишната инфлација во Швајцарија достигна неочекувано нула проценти во април, соопшти во понеделник статистичкиот завод на земјата, зголемувајќи ги очекувањата за уште едно намалување на каматните стапки во јуни.
Оваа бројка означува најниско ниво на инфлација во последните четири години и е на дното од целниот опсег на Швајцарската национална банка (SNB) од нула до два проценти за стабилност на цените.
Во март, инфлацијата на годишно ниво изнесуваше 0,3 проценти, според прелиминарните податоци од Швајцарскиот статистички институт, пренесува агенцијата Анадолија.
Потрошувачките цени останаа непроменети на месечна основа.
Базичната инфлација во Швајцарија, која ги исклучува волатилните цени како што се храната и енергијата, беше 0,6 проценти во април, исто така под очекувањата на аналитичарите.
На 20 март, ШНБ ја намали референтната каматна стапка за 25 базични поени, како што се очекуваше.
Се очекува централната банка сега да ја намали референтната каматна стапка на нула проценти на својот состанок во јуни.
