Несекојдневен проблем за Јамал – отиде во тоалет среде натпревар и не се врати

Во 71. минута од натпреварот, тој го напушти теренот, но не беше заменет, туку мораше да оди во тоалет. Десетина минути Барселона играше со десет фудбалери, па Чави не можеше повеќе да чека и на местото на Јамал, во игра го уфрли Маркос Алонсо. Тренерот на Барса по мечот објасни за што станувало збор.

„Имаше некоја настинка, неколку пати ми кажа за тоа. При еден прекин, му реков да оди во тоалет, но да побрза колку што е можно. На крајот рече дека не може да се врати на терен, па внесов замена“, објасни Чави.

Во периодот додека Јамал беше во тоалет, а Барселона играше со десет фудбалери, се случи сомнителен момент во кој Жоао Кансело играше со рака. Домашните играчи бараа пенал, главниот судија гледаше и ВАР, но на крајот одлучи дека нема елемент за најстрога казна.