Меѓународниот суд на правдата на Обединетите нации ќе го разгледува случајот на Украина против Русија под обвинение за геноцид
Меѓународниот суд на правдата на ОН одлучи да го разгледа случајот „Украина против Русија“ под обвинение за геноцид, јавува Гласот на Америка. Ова доаѓа откако Москва зазеде став дека Судот нема јурисдикција да одлучува за такво прашање.
И додека во Конгресот се расправа за поддршката на САД за Украина, ЕУ најави нов пакет помош од 54 милијарди долари. Урсула фон дер Лајен рече дека ЕУ ја потврдила својата непоколеблива посветеност да ја поддржи Украина.
Овие одлуки доаѓаат во време на тековните напади во Украина. Во областа на рускиот окупиран град Луганск, најмалку 28 лица, меѓу кои и едно дете, загинаа во напад. Украинските власти не го коментираа нападот, пренесува Гласот на Америка.
Ова се случува откако претходно руски брод беше потопен во Црното Море. Асошиетед прес цитираше информации од приватна фирма за обезбедување дека Украина користела шест дронови, од кои секој бил натоварен со 300 килограми експлозив. Овој случај остана без коментар од руските власти.
Во меѓувреме, во теренските болници, на само неколку километри од линијата на фронтот, продолжуваат да пристигнуваат ранети војници на кои им е потребна итна медицинска помош, јавува Гласот на Америка
