МАЛАТА НИНА ГО ОБЕДИНИ НОВИ САД И ЦЕЛИОТ РЕГИОН: Еве како двајца браќа од Риека му помагаат на девојчето да го спаси својот татко
Девојчето Нина
Нинковиќ (11) кое продаваше крофни за да собере пари за лекувањето на нејзиниот
татко, го обедини Нови Сад, но и целиот регион. Поддршка стигна и од Хрватска,
поточно Риека, од двајца браќа кои исто така продаваат крофни за да помогнат во
лекувањето на таткото на Нина.
„Браќа од
Хрватска (Риека) со продажба на крофни собираа пари за таткото на малата Нина
од Нови Сад. Браќата собрале 650 евра, а средствата биле уплатени на сметката
на Зоран Нинковиќ. Тие исто така изразија желба да се запознаат со семејството
на Нина, а кога ќе закрепне таткото на Нина, да им бидат гости во Хрватска“,
стои во објавата на Инстаграм.
Инаку, таткото на
Нина, Зоран Нинковиќ го загуби видот во 2016 година поради аблација (одлепување)
на мрежницата. Во март 2022 година повторно се случи аблација и беше
дијагностицирана офталмија и панувеитис, а животот на Зоран беше загрозен.
Потребни се пари
за понатамошна дијагностика, прегледи, анализи, набавка на лекови, лекување во
земјата и странство, како и за патни трошоци и сместување.
