МАКЕДОНИЈА НАСПРОТИ СРБИЈА: Просечната плата на српските работници отиде над 900 евра
Српските работници одамна ги надминаа македонските колеги во однос на платите. Во Србија просечната плата во март изнесувала 920 евра.
Просечната нето плата (без даноци и придонеси) кај северниот сосед во март годинава изнесувала 108.013 динари (920 евра), додека просечната бруто плата била 148.652 динари (1.268 евра), објави денеска српскиот Завод за статистика.
Средната нето заработка изнесувала 81.793 динари, што значи дека 50 отсто од вработените оствариле заработка до тој износ.
Растот на бруто платите во периодот јануари-март 2025 година во споредба со истиот период минатата година изнесува 11,2 проценти номинално, односно 6,4 проценти реално.
Во Србија ќе има и вонредно зголемување на минималната плата, како што деновиве најавија властите.
Македонија има помали плати од оние во Србија.
Просечната месечна исплатена нето-плата по вработен, во март 2025 година, изнесува 44.763 денари и во однос на истиот месец лани е повисока за 10,5 отсто. Македонците во просек заработуваат околу 730 евра.
