Министерството за спорт ги награди младинците на Пелистер со 1,5 милиони денари
Министерството одобри 1,5 милиони денари (24,3 илјади евра) со што го награди историскиот успех на младите ракометари на битолскиот клуб.
„Клубот се заблагодарува на наградата и ветува дека достојно ќе ја претставува Битола и Македонија на Ф4 турнирот следниот месец“, објави Пелистер.
Битолчани го освоија првото место на квалификацискиот турнир во Букурешт минатиот месец и обезбеди пласман на завршниот турнир што ќе се игра во Келн. Противник во полуфиналето на 14 јуни ќе им биде данскиот ГОГ Гудме, а втората двојка ја сочинуваат Барселона и Веспрем.
