ЛУТИ ПОЛИТИЧКИ РИВАЛИ, НА ИСТА МАСА И ИСТА СЛИКА – што се договорија денеска Ковачевски и Коњановски? Ова треба да биде пример
Иако се големи политички ривали и делуваат на сосема спротивставени страни на политичката карта во земјава, првиот човек на ЕСМ, Васко Ковачевски, кој е од редовите на СДСМ и градскиот татко на Битола, Тони Коњановски, од ВМРО-ДПМНЕ, денеска покажаа дека кога станува збор за интерес на граѓаните, можат да одржат конструктивен заеднички состанок, заедно да се сликаат, па дури и да споделат заедничка фотографија.
А повод за средбата била една многу важна работа, односно парното што треба да го добијат битолчани, односно изградбата на топловодниот систем во тој реон.
Договориле соработка во иднина, па ќе видиме дали хармонијата што ја покажуваат на фотографијата, ќе продолжи во наредниот период и да функциониора во пракса.
АД ЕСМ соопшти дека тие и ЕСМ
Топлификација Битола очекуваат целосна поддршка и соработка од Општина Битола
во процесот на изградба на топловодниот систем низ Битола. Ова го порачал генералниот
директор на компанијата, Васко Ковачевски на денешната средба со првиот човек
на Општина Битола, Тони Коњановски.
„Ковачевски и
директорот на ЕСМ Топлицикација Битола, Горан Козаров, го запознаа
градоначалникот Коњановски со деталите од проектот за изградбата на мрежата на
топловодот низ градот. Топлификацијата ќе стигне до 35 институции под државна и
локална надлежност и тие имаат обврска само да ги подготват сопствените
инсталации да ја примат топлата вода. Сите трошоци за спроведувањето на
топловодот до објектите, како и изградба на топлоизменувачи во секој од нив, се
на товар на АД ЕСМ. Системот треба да биде ставен во функција во текот на
грејната сезона 2025/2026 година. По завршувањето на оваа фаза од изградбата,
останува отворена можноста на топловодот да се приклучат и индивидуални и
колективни станбени згради“, соопшти ЕСМ.
Со цел навремена
подготовка на објектите, на средбата, како што се вели во соопштението, било договорено формирање на координативно
тело во кое ќе бидат вклучени стручни лица од двете страни што ќе обезбеди
побрза и поефикасна реализација на проектот, во интерес на битолчани.
Вкупната вредност на проектот Топлификација на Битола,
Новаци и Могила изнесува 46 милиони евра, од кои 39 милиони евра се средства од KfW
банка, а 7 милиони евра се сопствени средства на АД ЕСМ.
