Левичарски пиромани: Ја запалиле викендицата на директорот на германски „Рајнметал“ поради испраќање оружје во Украина
Изгоре колибата на Армин Пејпергер, директорот на „Рајнметал“, една од најголемите германски компании за производство на оружје, а одговорноста за испораката на оружје во Украина ја презедоа екстремни левичари!
Како што пренесува Bild.de, викендицата лоцирана во Хермансбург во Долна Саксонија била изгорена ноќта меѓу 28 и 29 април.
Група екстремни левичари ја презеде одговорноста за подметнувањето на пожарот испраќајќи писмо до платформата „Индимедија“.
„Рајнметал е една од компаниите која ја користи таканаречената точка на превртување и складира стари типови тенкови кои сака да и ги продаде на Украина заедно со муниција за да оствари профит. Рајнметал планира, произведува и врши убиства на национално ниво“, се наведува меѓу другото во писмото на левичарот.
Писмото завршува со пораката „Слобода за Данијела“, која најверојатно се однесува на Данијела Клете, членка на фракцијата на Црвената армија, позната и како групата Бадер-Мајнхоф, која е во затвор. Таа е една од највлијателните левичарски, западногермански милитантни организации, која дејствувала како урбана герила од 1970 до 1993 година.
„Сила и среќа на сите оние кои се борат за радикалната левица и кои вршат напади врз воените структури“, се вели на крајот од пораката.
Полицијата започнала истрага и се проверува автентичноста на пораката. Од почетокот на руската инвазија на Украина, компанијата „Рајнметал“ до Киев испорача тенкови од типот „леопард“ и најмалку 20 оклопни возила од типот Мардер.
