КУЌИТЕ ПОСКАПУВААТ: Речиси третина од жителите на EУ живеат под кирија

Речиси третина од жителите на Европската Унија(ЕУ) живеат под кирија.

Трендот на пораст на цените на куќите е присутен во многу европски држави, а според истражувањето на „Евростат“, во првиот квартал од тековната година цените пораснале во 26 земји од ЕУ.

Во 2022 година, 69 отсто од населението на ЕУ живеело во домаќинства што поседуваат сопствени домови, а другите 31 отсто живееле во станови под кирија. Најголем дел од сопственоста е забележан во Романија (95 отсто), Словачка (93 отсто), Хрватска (91 отсто) и во Унгарија (90 отсто).

Во сите држави членки, освен Германија, имало повеќе сопственици отколку станари. Во првиот квартал од 2024 година, цените на куќите во ЕУ се зголемија за 0,4 отсто, а кириите за 0,9 отсто во споредба со четвртиот квартал од 2023 година.

Цените на куќите се зголемени повеќе од двојно во седум земји на ЕУ од 2010 година, вклучувајќи ги Естонија, Унгарија, Литванија, Латвија, Чешка, Австрија и Луксембург. Намалување на цените е забележано во Италија и на Кипар. Цените за изнајмување се зголемени во 26 земји од ЕУ, а најголем раст е забележан во Естонија, Литванија и во Ирска. Намалување на цените на киријата е забележано во Грција.

foto freepik.com