Крај за „бараките“ по 30 години: Бутел доби нова полициска станица, на местото на старата ќе никне парк и плоштад
По повеќе од три децении работење во субстандардни и импровизирани услови, полициските службеници од Бутел конечно добија нов, современ работен простор. Министерот за внатрешни работи Панче Тошковски, придружуван од премиерот Христијан Мицкоски и градоначалникот Дарко Костовски, денеска официјално го пуштија во употреба новиот објект на Единицата за внатрешни работи Чаир – ПС Бутел.
Новата полициска станица сега е сместена во кругот на Јавната установа „25 Мај“, потег кој според надлежните е пример за ефикасно искористување на постојните државни капацитети.
Министерот Тошковски истакна дека овој проект е реализиран преку успешна соработка помеѓу Владата, Општина Бутел и Министерството за труд и социјална политика.
Една од клучните новини е и решавањето на статусот на досегашниот објект на полицијата, кој министерот го опиша како „дотраен и нелегален“, а кој се користел повеќе од 30 години.
Според планот, старата станица ќе биде целосно срушена. На нејзино место, Општина Бутел веќе има подготвено проектна документација за уредување на нов јавен простор кој ќе вклучува:
Тошковски порача дека овој модел на рационално користење на ресурсите и меѓуинституционална соработка ќе продолжи да се применува и во иднина, како рецепт за подобрување на услугите кон граѓаните без непотребно трошење на буџетски средства.
