Ковачевски и Меџити со несогласувања околу разрешувањето на Милена Стевановиќ: Образложение – немала сертификат за англиски јазик!
Екс премиерот и претседател на СДСМ, Димитар Ковачевски денеска пред медиумите истакна дека со министерот за здравство Фатмир Меџити имал несогласувања околу разрешувањата.
Ковачевски одби да го коментира ова прашање, но вели дека не го одобрил разрешувањето на директорката на инфективна клиника Милена Стевановиќ.
„Со министерот Меџити имавме несогласувања околу кадровските промени. Треба да се видат сите разрешувања како се правени, јас не го одобрив ниту разрешувањето што го направи министерот Меџити на директорката на инфективна клиника Милена Стевановиќ, без да образложи. Тој даде едно срамно образложение дека ја разрешил со оглед на тоа дека немала сертификат за англиски јазик, а таа е врвен доктор, светски познат која што има завршено на Кембриџ, така да од тој аспект не би ги коментирал разрешувањата“, рече Ковачевски.
