Кошмар на патниците: По седум часа, авионот слетал на истото место од кое полетал

После седумчасовен лет, патниците во авионот на Japan Airlines слетале на истото место од каде полетале. Кошмарот на секој патник се случи минатата недела кога авионот полета од Токио за Фукуока, а патувањето требаше да трае два часа, пишува LADbible.

Проблеми со слетување

Но, полетувањето закажано за 18:30 часот беше одложено во последен момент поради проблем, што резултираше со доцнење од 90 минути. Бидејќи авионите не можат да слетаат во Фукуока по 22 часот, а силните ветрови создадоа дополнителни проблеми, авионот мораше да се врати на првобитната дестинација.

Тие се вратија назад

Но, наместо двочасовен лет назад, патниците останале заглавени во хорор филм. Авионот бил пренасочен кон меѓународниот аеродром Кансаи во близина на Осака, каде што слетал во 23:59 часот. Поради недостаток на персонал на аеродромот и достапен превоз, патниците повторно се качиле во авионот и се вратиле во Токио.

По седумчасовно патување, исцрпените патници конечно слетале, на истото место од кое полетале.