КОЦЕВСКИ НЕ ЈА ИСКОРИСТИ СВОЈАТА ШАНСА Мицкоски не очекува обвинителот да признае неуспех
Државниот обвинител имаше шанса, ама за жал, не ја искористи, рече премиерот Христијан Мицкоски како одговор на новинарско прашање по изјавите на Љупчо Коцевски дека одлуката за негово разрешување е политичка.
– Не очекуваме од јавниот обвинител да каже „Да, виновен сум, не успеав во својата работа“. Тоа што го кажува е очекувано. Аргументите јавноста ги гледа, јавноста сведочи за неговата работа, за работата на обвинителството, на судовите, повторно ќе кажам на малкумина, за жал и тој е заробеник меѓу малкумината на обвинителството. Имаше можност, имаше шанса, за жал, не ги искористи – истакна Мицкоски.
.
