Кинески милијардер продава на аукција сперма на невакцинирани мажи
Кинески милијардер во егзил, близок до мрежите на Трамп, организира онлајн аукции на „невакцинирана сперма“, која антиваксерите ја претставуваат како „идниот биткоин“.
Идејата дека спермата од мажи кои не примиле вакцина против Ковид-19 наскоро ќе биде многу барана, произлегува од теориите на заговор кои тврдат дека вакцините предизвикуваат масовна стерилност.
Гуо Венгуи, чијшто егзил во Соединетите Држави беше прекинат со неговото апсење во средината на март за наводна измама, планира да ги организира овие аукции во јуни на конзервативната социјална мрежа Гетр.
Овој кинески тајкун е близок со поранешниот советник на Доналд Трамп, Стив Банон.
Овој нов тип на аукција ќе ја вклучи и неговата сперма, рече тој.
„Спермата како иден биткоин“
Но, апсењето може да ги наруши неговите планови. Тајкунот е обвинет дека организирал разработена измама за да изнуди повеќе од 1 милијарда долари од илјадници луѓе кои го следат на интернет.
Без разлика дали овие аукции ќе се одржат или не, тие веќе предизвикаа возбуда на Гетра, а обожавателите на милијардерот гледаат на тоа како можност да се „спаси иднината на човештвото“ или да се тврди дека спермата од невакцинирани мажи е „иднината на биткоинот“.
„Овие аукции се засноваат, општо земено, на лажни аргументи дека вакцините против Ковид и наштетиле на плодноста“, рече Џон Грегори од NewsGuard за АФП.
„Писателите на дезинформации за вакцини го пропагираат ова тврдење, и покрај бројните медицински студии кои покажуваат дека вакцините не влијаат негативно на машката или женската плодност.
Гуо Венгуи не појасни како ќе се тестира спермата, но вети „научни“ методи, како и писмо од адвокат кој потврдува дека донаторот е невакциниран.
