Израел: Нетанјаху паѓа поради договорот со Хамас?
Министерот за национална безбедност Итамар Бен Гвир вечерва изјави дека неговата партија Еврејска моќ ќе ја напушти коалицијата доколку владата го одобри договорот за заложниците и примирјето со Хамас што посредниците го објавија вчера.
На прес-конференцијата Бен Гвир рече дека договорот, кој вклучува ослободување на стотици палестински безбедносни затвореници од Израел, овозможува рехабилитација на терористичките групи во Газа и ја враќа заканата за жителите на пограничните области, објави „Тајмс оф Израел“.
Тој, исто така, предупреди дека актуелниот договор не обезбедува итно ослободување на сите заложници што ги држеше Хамас во Газа, тврдејќи претходно оваа недела дека „ја запечатува судбината на другите заложници кои не се вклучени во договорот за смртта“.
Бен Гвир претходно го покани својот колега министер Безалел Смотрич да му се придружи во напуштањето на владата во знак на протест поради овој договор.
Израелските медиуми сметаат дека без оглед на тоа, без поддршка на Бен Гвир и Смотрич, кабинетот за безбедност утре ќе го одобри договорот.
