Историски момент: Лазаров прв Македонец член на Куќа на славните!
На вечерашната свечена церемонија, Кире Лазаров беше заедно со претседателот на Ракометната федерација на Македонија (РФМ), Живко Мукаетов.
Лазаров одбележа една голема ера во европскиот ракомет, уриваше рекорди со своите настапи, постигна над 1.000 голови во ракометната Лига на шампионите, па заслужи да се најде во самиот европски крем на великани, на позицијата десен бек.
Актуелниот македонски селектор е меѓу тројцата најголеми десни бекови заедно со Унгарецот Ласло Наѓ и Исланѓанецот Олафур Стефансон, а меѓу 60-те ракометари и ракометарки кои влегоа во куќата на славните се и легенди како Арпад Штербик, Талант Душебаев, Ивано Балиќ….
