ИРАК ВОВЕДУВА ЗАБРАНА ЗА ТРАНСАКЦИИ СО ДОЛАРИ: Нападнати осум приватни банки
ИРАК денеска им забрани на осум локални приватни банки да вршат трансакции во долари, со што има намера да ја намали можноста за измами, перење пари и други незаконски активности со помош на американската валута, неколку дена по посетата на висок функционер на американското Министерство за финансии.
На банките им е забранет пристап до дневната аукција на долар на ирачката централна банка, со цел да се спречи шверцот на оваа валута во соседен Иран, објави Ројтерс.
Ирак има резерви од повеќе од 100 милијарди долари кои се чуваат во САД и во голема мера се потпира на добрата волја на Вашингтон да се осигура дека пристапот до приходите од нафта и финансиите нема да биде блокиран, додава британската агенција.
Портпаролот на американското Министерство за финансии рече дека САД ги поздравуваат чекорите преземени од ирачката централна банка за заштита на ирачкиот финансиски систем од злоупотреба.
