Илон Маск го претстави GrokAI – четбот со смисла за хумор, кој дава саркастични одговори
И покрај предупредувањето дека вештачката интелигенција (ВИ) е „една од најголемите закани за човештвото“, извршниот директор на Tesla, Илон Маск, неодамна го претстави новиот чет-бот, наречен Грок.
Четботот, кој наводно има „огромна предност“ во однос на своите конкуренти со пристап до информациите објавени на платформата X во реално време, е инспириран од книгата „Автостоперски водич за галаксијата“, давајќи им на корисниците забавни и саркастични одговори на нивните прашања.Маск на социјалната мрежа Х објави пример од разговор со Грок. Новиот чет-бот даде одговор од четири точки на барањето на корисникот кој сакаше да знае како се прави кокаинот. Во едната му предлага да се занимава со хемија, а во другата да изгради лабораторија на оддалечена локација.
На крајот, сепак, Грок пишува дека само се шегувал и дека правењето кокаин е „незаконско, опасно и нешто што никогаш не би препорачал да го правам“.
Овој чет-бот моментално се тестира и сè уште не е достапен за употреба. Тој ќе биде првиот што ќе може да го користат претплатниците на социјалната мрежа Х, поточно оние кои плаќаат за најскапата Премиум+ програма.
Според компанијата на Маск, нивниот чет-бот користи технологија Grok-1, која во многу аспекти е подобра од технологијата GPT-3.5 на Open AI, но сепак заостанува зад технологијата GPT-4.
