ИКЕА ПОВЛЕКУВА ПРОИЗВОД ОД ПРОДАЖБА: Постои опасност од задушување!
Компанијата „ИКЕА“ објави дека повлекува од својот асортиман производ наменет за деца поради опасност од задушување. Станува збор за риболовната игра „BLÅVINGAD“, соопштија од овој трговски синџир.
„ИКЕА апелира до сите клиенти кои ја поседуваат BLÅVINGAD Fishing Game, Multi-Color да престанат да ја користат и да контактираат со ИКЕА за целосно враќање на парите, Мулти-Колор поради потенцијална опасност од задушување“, се наведува во соопштението.
Во соопштението се додава дека ИКЕА ги развива своите производи користејќи ригорозна програма за проценка на ризик и тестирање за да се осигура дека производите ги исполнуваат сите важечки закони и стандарди на пазарите каде што се продаваат. „Сепак, забележавме дека малите нитни на играчката може да се откачат, што доведува до потенцијална опасност од гушење, особено за помалите деца. Затоа ја повлекуваме играчката за риболов BLÅVINGAD, разнобојна“, објаснуваат од компанијата.
IKEA is recalling the BLÅVINGAD fishing game, multicolour, owing to reports of small metal rivets coming loose from the painted wooden shapes, presenting a potential choking hazard. For more info, go to: https://t.co/tb1cXWDTu5
We apologise for any inconvenience caused. pic.twitter.com/pE2rULna5Y— IKEA UK (@IKEAUK) March 21, 2023
Заедно со објавеното извинување за непријатностите што ова повлекување може да ги предизвика од трговскиот синџир, тие објаснија дека производот може да се врати во која било стоковна куќа ИКЕА. Како што е најавено, парите целосно ќе им бидат вратени на клиентите, а доказ за набавка, односно фактура не е потребен.
Фото: Принтскрин/Твитер
