Фицо: Средба со Зеленски веројатно во наредните денови
Словачкиот премиер Роберт Фицо изјави дека во следните неколку дена би можел да се сретне со украинскиот претседател Володимир Зеленски за да разговара за транзитот на руски гас преку Украина.
-Бараме друг датум за средбата, таа треба да биде во следните неколку дена – изјави Фицо. Фицо претходно предложи тој и Зеленски да се сретнат во Словачка, во близина на границата со Украина.
Според него, „состанокот би бил добар амбиент за отворена дискусија за снабдување со гас на Словачка и други земји преку територијата на Украина“.
Како одговор на поканата на словачкиот премиер, Зеленски предложи Фицо да дојде во Киев на 17 јануари.
Подоцна, заменик-претседателот на словачкиот парламент, Тибор Гашпар, за агенцијата ТАСС изјави дека Фицо нема да оди во Киев во петок.
