ФАКТОР НА ДЕНОТ: Уставниот суд ќе одлучува за солидарниот данок
УСТАВЕН ОФОРМИ ПРЕДМЕТ ЗА ЗАКОНОТ ЗА ДАНОК ЗА СОЛИДАРНОСТ
Уставниот суд информира дека се оформени два предмета по поднесени иницијативи, во кои е оспорен Законот за данок за солидарност во целина.
Oва, како што велат од Судот, значи дека Уставниот суд допрва ја почнува постапката и ќе ги испитува наводите во двете иницијативи.
Иницијативите се поднесени од Финмак ДОО, Скопје преку адвокатско друштво Дебарлиев, Дамески и Ќелешовска и од Стопанска комора на Република Северна Македонија преку адвокат Игор Спировски.
ЗА МАРИЧИЌ 2030 Е АМЦИОЗЕН, НО ДОСТИЖЕН ПЛАН ЗА ЧЛЕНСТВО
Две илјади и триесета е амбициозен, но достижен датум, заеднички работиме на таа цел. Иднината на политиката за проширување е отворена и поставена е цел за која треба и државите од Западен Балкан и ЕУ да се подготвиме и да ја достигнеме, објави на фејсбук вицепремиерот за европски прашања Бојан Маричиќ по учеството на средбата на премиерот Димитар Ковачевски со комесарот на ЕУ за соседство и проширување, Оливер Вархеји.
Кај земјите членки на ЕУ постои политичка волја и обединетост за европската перспектива на целиот регион. Вархеји порача да го задржиме фокусот на процесот на преговори со ЕУ и на реформите заради македонските граѓани кои заслужуваат да живеат во европска и просперитетна држава, стои на фејсбук статусот на Маричиќ кој е дел од владината делегација предводена од премиерот Ковачевски на Самитот на лидери на Берлинскиот процес во Тирана, Албанија.
ГАЗА Е ПРЕД КАТАСТРОФА
Појасот Газа е под постојано израелско бомбардирање по нападите врз Израел од страна на Хамас на 7 октомври.
Во Газа има „вода, струја и гориво уште 24 часа“ и ако не дојде помош, лекарите ќе можат да „издаваат само потврди за смрт“, рече Ахмед ал-Мандари, регионален шеф на Светската здравствена организација.
Хуманитарната помош, вклучително и испратената од СЗО, е блокирана во египетскиот Синај на границата со Газа, поради немањето договор меѓу Израел и Египет. Појасот Газа е под постојано израелско бомбардирање по нападите врз Израел од страна на Хамас на 7 октомври.
ЧИТАЈТЕ УШТЕ
Скопскиот стартап „Пакет маркет“ во 2018 година успешно лансираше дигитален супермаркет paket.mk на кој он-лајн може да купите 8.000 продукти. Очигледно дека тој потенцијал го препознал инвестицискиот фонд „Илевн Венчрс“ (Eleven Ventures) кој управува со над 300 милиони долари инвестиции на глобалниот пазар. Сега „Пакет маркет“ стана дел од нивното портфолио стартапи
Годинава се вработени стотина инвалидни лица со поддршка од државата. За вработените инвалидни лица средствата за придонес за пензиско и инвалидско осигурување, придонес за здравствено осигурување и придонес за вработување се обезбедуваат од државниот буџет.
