ЕВРОПСКИТЕ ЗАЛИХИ СЕ НАМАЛИЈА: Цената на гасот се зголемува
Европските залихи се намалија на 49 отсто.
Цените на фјучерсите на гасот на берзата во Амстердам ТТФ денеска се зголемија на повеќе од 58 евра за мегават-часи сега се на највисоко ниво од јануари 2023 година. Европските цени на гасот денеска достигнаа максимална вредност од 58.750 евра. Европските залихи се празнат поради постуденото време, па така исполнетоста на магацините моментално е само 49 отсто, а минатата година во ова време изнесувала 67 отсто, пренесува Trading Economics. Во северозападна Европа се очекуваат пониски температури, па побарувачката за енергија најверојатно ќе продолжи да расте, а со тоа и цените на гасот. Европа сега не може да се потпре на фармите со ветерници поради слабите ветрови, што дополнително го оптоварува снабдувањето со гас. Поради руската инвазија на Украина, Русија е под санкции. Претходно, европските земји користеа руски гас.
